ინგლისურის ცოდნის ეკონომიკური მნიშვნელობა

საქართველო ინგლისური ენის ცოდნის დონით 112 ქვეყნიდან 50-ე, ხოლო ევროპის 35 ქვეყნიდან 31-ე ადგილზეა. ეს მაჩვენებელი ყოველწლიურად იზრდება. 2021 წლის მონაცემებით ინგლისურ ენას გარკვეულ დონეზე მოსახლეობის დახლოებით 45% ფლობს.

ხშირად, ვაკანსიებში ინგლისური ენის ცოდნას ითხოვენ. ინგლისურის სწავლა გეხმარება კარიერულ წინსვალში, მაგრამ რამდენად მნიშვნელოვანია ინგლისური ენის ცოდნა?

ინდოეთში ჩატარებული ერთ-ერთი კვლევის მიხედვით, დასაქმებულ მამაკაცებს, რომლებმაც ინგლისური ენა იციან, 34%-ით მაღალი ხელფასები აქვთ, ვიდრე ინგლისურის არმცოდნეებს. საქართველოში, 250 დოლარზე მეტი ხელფასი მხოლოდ 16%-ს აქვს მათგან, ვინც ინგლისურს ყოველდღე არ იყენებს, ხოლო 58%-ს იმათგან, ვინც ინგლისურს ყოველდღიურად იყენებს. 

ინგლისური ენის ცოდნა ზრდის დასაქმების შესაძლებლობასაც. საქართველოში ადამიანთა 38%-ს, რომლებიც ინგლისურს ყოველდღიურად არ იყენებენ, აქვს სამსახური და დასაქმებულია ადამიანების 50%, რომლებიც ინგლისურს ყოველდღე იყენებენ.

ინგლისური ენის ცოდნა საშუალებას გაძლევს სხვადასხვა ინფორმაციას, მათ შორის საგანმანათლებლო რესურსებს გაეცნო. ქართულად ონლაინ ინფორმაცის მხოლოდ 0.02%-ზე მიგვიწვდება ხელი, ხოლო ინგლისურად – ინტერნტრესურსების 60%-ზე მეტის. ინგლისური ენის ცოდნა ნიშნავს, რომ შეგიძლია კიდევ უამრავი რამ გაიგო, არ ჩამოვრჩე თანამედროვე კვლევებსა და მიღწევებს. ეს ყველაფერი კი არა მხოლოდ პირად, არამედ ქვეყნის ეკონომიკურ განვითარებაზეც აისახება.